Umuhanzi Drake ukorera umuziki we muri Leta Zunze Ubumwe za Amerika yatangaje ko afite amaraso yo muri Afurika mu gihugu cya Nigeria.
Aubrey Drake Graham uzwi nka Drake, abinyujije kuri ku rubuga rwa Instagram yahishuye ko 30 % by’inkomoko ye ari muri Nigeria.
Uyu muraperi ifoto yeretse abakunzi be (Screen shot) yagaragaje ko se umubyara Dennis Graham yakoze isuzuma ry’amaraso asanga inkomoko yabo 30% ari muri Nigeria.
Bellanaija.com , itangaza ko ibizamini by’amaraso se wa Drake yakoresheje, bigaragaza ko hari n’ibindi bihugu by’Afurika afitemo ibisanira. Muri ibyo haromo Ghana, Cameroun na Mali.
Drake asanzwe afite ubwenegihugu bwo muri Canada, azwi mu ndirimbo zitandukanye nka take care, hotline bling, in my feelings n’ibindi.
