Ingendo zo mu kirere zahungabanijwe i Hanover muri Leta ya Lower Saxony mu majyaruguru y’u Budage nyuma y’uko indege zitagira abadereva zitamenyekanyekanye zigaragaye ku Kibuga cy’Indege cya Hannover nk’uko byatangajwe kuwa Gatandatu.
Biravugwa ko gufunga Ikibuga cy’Indege cya Hannover byatangiye saa 9h45 z’ijoro ku isaha yaho (20:47 UTC) kuwa Gatanu bigeza saa 12:16 z’amanywa kuwa Gatandatu.
Inkomoko y’indege zitagira abadereva ntiyahise isobanuka. Indege zirindwi zasubitse ingendo kubera gufunga ikibuga, zirimo indege zerekezaga i Bremen, Dusseldorf na Frankfurt.
Guhuza Frankfurt na Paris nabyo byahagaritswe, kandi indege ebyiri ntizigeze zigwa i Hanover bityo ntizashoboye no kuhahaguruka ku wa Gatandatu.
Ikinyamakuru gisohoka buri munsi, Hannoversche Allgemeine Zeitung (HAZ), cyatangaje ko byibuze hagaragaye drones eshanu.
Amakuru avuga ko drone ya mbere yagaragaye ku butumburuke bwa metero 80 hafi y’ikibuga cy’indege gito (aerodrome) ntangarugero hafi y’ikibuga cy’indege.
Ikinyamakuru HAZ cyatangaje ko byibuze drones ebyiri zegereye Ikibuga cy’Indege cya Hannover nyirizina nyuma y’isaha imwe.
U Budage bwari buherutse gutangaza ko muri uyu mwaka bumaze kwinjirirwa na drones zirenga 1000 inyinshi muri zo zoherezwa n’u Burusiya cyane cyane ku bibuga by’indege n’ibigo bya gisirikare rimwe na rimwe.
