Umunya Sudan Eid Mugadam Abakar Mugadam wakiniraga Rayon Sports yamaze
gutangazwa nk’umukinnyi mushya wa Al Ahli SC Tripoli yo muri Libya.
Iyi kipe isanzwe ikinamo myugariro Manzi Thierry wakiniye Rayon Sports akaba n’umukinnyi w’ikipe y’igihugu Amavubi.
Bitewe n’uko muri Sudan hari ibibazo by’intambara, abakinnyi bakomoka muri iki gihugu na Palestine bari gukina nk’abenegihugu muri Libya, mu rwego rwo kubafasha no kuborohereza.
Mugadam ntabwo yakiniye imikino myinshi Rayon Sports, kubera ikibazo cy’imvune no kubura umwanya.
Abakar Mugadam yari yaje gufatanya n’abakinnyi bari bahasanzwe kuzashakira iyi kipe ibitego bihagije mu marushanwa atandukanye muri iyi kipe.
