Umugore wa Minisitiri w’Intebe wa Espagne, Pedro Sanchez, Begona Gomez, yashinjwe ruswa ku mugaragaro, nyuma y’iperereza rimaze imyaka myinshi rikorwa ku byaha we n’umugabo we bahakana.
Umucamanza Juan Carlos Peinado, ukora iperereza kuri uru rubanza kuva muri Mata 2024, yavuze ko iperereza rye ryabonye ibimenyetso bihagije byerekana imyitwarire y’icyaha ya Gomez, nk’uko icyemezo cyashyizwe ahagaragara kuri uyu wa Mbere ushize kivuga.
Gomez arashinjwa ruswa ijyanye n’ishingwa n’imicungire y’umwanya we muri Kaminuza ya Complutense y’i Madrid, abereye umwe mu bayobozi nk’uko inkuru dukesja RFI ivuga.
Araregwa kandi kuba yarakoresheje umutungo wa rubanda n’amasano bwite kugira ngo ateze imbere inyungu ze bwite.
Icyemezo cy’urukiko ku wa Mbere kivuga ko umugore wa Sanchez ashinjwa kandi icyaha cy’iyezandonke, gukoresha izina rye nabi, ruswa mu bucuruzi no kunyereza umutungo.
