Umugabo wo mu Karere ka Gakenke, Umurenge wa Cyabingo, Akagari ka Muramba, mu Mudugudu wa Muramba, Emmanuel Tuyishime, bivugwa ko afunzwe mu gihe mu rugo rwe hari haherutse gufatirwa umuganga witwa Sinayobye bivugwa yari arimo asambanya umugore we, Manirabaruta Jacqueline. Ku Cyumweru tariki ya 30 Gicurasi 2021, nibwo Sinayobye ukora umwuga wo kuvura mu Murenge wa Cyabingo mu Karere ka Gakenke, byasakaye ko yaguwe gitumo ari gutera akabariro n’umwarimukazi Manirabaruta, bari mu rugo rw’uyu murezi. Amakuru yizewe agera kuri BWIZA, avuga ko uyu Sinayobye uzwi nka Theo ngo akaba n’umusirimu cyane, we na mwarimukazi barekuwe ahubwo nyir’urugo ubusanzwe w’umumotari, akaba ari we ufunzwe. Amakuru avuga ko Theo ubusanzwe ukomoka i Rubavu kuri Brasserie yarEkuwe kuko byagaragaraga ko ari umutego yari yatezwe na motari, ubusanzwe bari baziranye nk’inshuti. Tumubajije impamvu uyu mugore na we bamurekuye, yadusubije ko basanze motari Tuyishime ari we wateguye uwo mugambi wenyine, we nta ruhare yari yagize mu gutegura umugambi wo kugusha muganga mu mutego. Basanze motari ahoza umugore ku nkeke, ingingo nayo yiyongereye ku byo yakoreye muganga. Imboni yacu iri i Muramba iti ” Umugore nta ruhare yabigizemo, umugabo we ni we wabipanze umugore atabizi. Tuyishime yabwiye Theo ngo we yagiye i Kigali, ngo abe agiye iwe arahamusanga baganire nk’ibisanzwe, undi akihagera baramufata, baramwambura, barafotora, baranamukubita bikomeye ku buryo abapolisi bamusabye guhita ajya kwipimisha ubwo bari bamaze kumurekura. Yahise ajya i Kigali kureba uko ubuzima buhagaze.” Gushaka indonke Uwahaye amakuru BWIZA avuga ko ubwo muganga Theo yari amaze gukubitwa, bamwambuye telefoni, bahamagara umugore we ngo ” Umugabo wawe tumufatiye mu rugo rwacu none ohereza miliyoni eshanu. Yababaza aho bari bakanga kumubwira. Bamenye ko polisi yabimenye noneho batangira gusaba eshatu, ubundi ebyiri, kugeza igihe polisi yahagereye. Bamushakagaho amafaranga kuko ubundi Theo abaho nk’abasirimu.” Uyu avuga ko bitari gushoboka ko Theo ajya mu rugo rwa Tuyishime ku manywa y’ihangu ndetse akaniyambura ubusa buriburi. Ati ” Ese nta hoteli cyangwa lodge zihari. Biriya wari umutego.” Yabwiye BWIZA ko Manirabaruta na we yabwiye RIB uko ajya ahohoterwa n’umugabo we. Akabarore ni ibyabereye kwa muganga ubwo yari yagiye gukingiza umwana aho yaje amuhubanuza. Uyu kandi ngo yarakubitwaga iyo yarenzagaho iminota mike avuye kwigisha. Uyu mugore akimara kurekurwa, yahise ajya iwabo. Uwaduhaye amakuru ati ” Nta kuntu yari gusubira iwe kuko yashinje umugabo we ibyaha. Kuva yamuhohoteraga noneho yamuhitana.” Motari Tuyishime Emmanuel bivugwa ko yahise afatwa ku bw’ibyo byaha byose ashinjwa ubu abandi baridegembya. Kurikira ibiganiro n’amavidewo binyura kuri Bwiza TV
XMA Header Image
BRD ntifite amakuru yuzuye ku banyeshuri yagurije/Perezida Macron yakubiswe / Yabyaye abana 10!
youtube.com
2 Responses
Gakenke: Umuganga n’umugore bivugwa ko basambanaga ‘bararekuwe’ nyir’urugo arafungwa
Ibi bintu bireze Mu gushaka amafranga RIB nayo ikihutira guhana, hari n’umugabo n’umugore basigaye babona bafute ubukene bw’agafaranga bakareba umugabo bayakuraho umugore akamwiyegereza bakamugushya Mu mutego i Cash rikaboneka, Erega n’uriya Mukinnyi wa Sunrise Mugabo Gabriel nimudasanga ar’umutego yaguyemo, nawe se umuntu yahigwa akaguma Aho bamushakishya tena umu Star ugomba kubonwa n’Abantu bensyi, bagore ni mwemere murye duke mwubake ingo zanyu kuko Ayo manyanga Umunsi RIB yayavumbuye nimwe muzajya muhanwa nkuwo Mu Motar.
Gakenke: Umuganga n’umugore bivugwa ko basambanaga ‘bararekuwe’ nyir’urugo arafungwa
Ibi bintu bireze Mu gushaka amafranga RIB nayo ikihutira guhana, hari n’umugabo n’umugore basigaye babona bafute ubukene bw’agafaranga bakareba umugabo bayakuraho umugore akamwiyegereza bakamugushya Mu mutego i Cash rikaboneka, Erega n’uriya Mukinnyi wa Sunrise Mugabo Gabriel nimudasanga ar’umutego yaguyemo, nawe se umuntu yahigwa akaguma Aho bamushakishya tena umu Star ugomba kubonwa n’Abantu bensyi, bagore ni mwemere murye duke mwubake ingo zanyu kuko Ayo manyanga Umunsi RIB yayavumbuye nimwe muzajya muhanwa nkuwo Mu Motar.