Umugaba w’ingabo za Uganda zirwanira ku butaka akaba n’umuhungu wa Perezida Yoweri Museveni, Lt. Gen. Muhoozi Kainerugaba avuga ko intwari y’u Rwanda nyakwigendera Maj. Gen. Fred Gisa Rwigema akomoka mu bwoko bw’Abachwezi.
Bigaragara mu butumwa yashyize ku rubuga rwa Twitter mu kanya gashize, asubiza abamusabye kubabwira bamwe mu bakomoka mu Bachwezi. Yagize ati: “Bamwe muri mwe mwambajije abakomokaga mu Bachwezi. Ubu nasubiza…General Yoweri Museveni, Igikomangoma Fred Rubereza, General Fred Rwigyema na General Salim Saleh! Bakomoka by’ako kanya mu Bachwezi.”
Fred Nkuranga Rubereza uyu musirikare avuga, yabaye umwami wa nyuma w’Abanyankole, akavuga ko ari nyirarume wamukujije, Salim Saleh akaba se wabo (murumuna wa Museveni), Fred Rwigema akamwubahira uruhare rwe rukomeye mu guharanira ubwigenge bwa Uganda.
Mu mpera z’Ukwakira 2021 na bwo uyu musirikare yari aherutse kugaragaza Abachwezi nk’umuryango (ubwoko) ukomeye, udashobora gutsindwa ku rugamba.
Muri ubu butumwa bwa tariki ya 25, Gen. Kainerugaba yagize ati: “Mbabariye abatekereza ko bashobora gutsinda Abachwezi. Uganda ni igihugu cy’abakomoka ku Bachwezi, abo bari kujugunya utubombe hirya no hino bazahakura isomo rikomeye.” Yavugaga ku bamaze iminsi bagaba ibitero by’iterabwoba muri Uganda.
Mu 2020 nabwo Gen. Kainerugaba yigeze gusingiza Abachwezi barimo Perezida Museveni, abishingiraho avuga ko Milton Obote yasimbuye ku butegetsi amuhiritse aba yaramanitse amaboko hakiri kare, ntahangane na we mu rugamba rwo kuhobora igihugu rwabaye mu myaka y’1980. Yagize ati: “Ku Isi nta muntu n’umwe watsinda Abachwezi.”
Gen. Fred Gisa Rwigema ni umwe mu basirikare bakuru bafatanyije na Yoweri Museveni gukuraho ubutegetsi bwa Milton Obote. Nk’Umunyarwanda, ari kumwe n’ingabo za RPA zabaga muri Uganda, yatangije urugamba rwo kubohora u Rwanda mu 1990 gusa yarurasiwemo rugitangira. Ni yo mpamvu afatwa nk’intwari muri ibi bihugu byombi.
8 Responses
Gen. Kainerugaba avuga ko Gen. Fred Rwigema akomoka mu Bachwezi
Ibaze. Aho akomoka turahazi. N’IGISEKURU CYE. Nawe ngo mu bacwezi!!!!!!
Gen. Kainerugaba avuga ko Gen. Fred Rwigema akomoka mu Bachwezi
Ibaze. Aho akomoka turahazi. N’IGISEKURU CYE. Nawe ngo mu bacwezi!!!!!!
Gen. Kainerugaba avuga ko Gen. Fred Rwigema akomoka mu Bachwezi
Eheee! I Kisangani nta Bachwezi bari yo? Kabiri kose mu rugo rw’umugabo. Vuga make, nibarizaga nihitira.
Gen. Kainerugaba avuga ko Gen. Fred Rwigema akomoka mu Bachwezi
Eheee! I Kisangani nta Bachwezi bari yo? Kabiri kose mu rugo rw’umugabo. Vuga make, nibarizaga nihitira.
Gen. Kainerugaba avuga ko Gen. Fred Rwigema akomoka mu Bachwezi
That’s confidents based on nothing! Ofcourse this is yo time for pressing wat u wish! But remember this” no man is enough, but every man at his time” who are Abachwezi??? One day you will left uganda! At this time u will know dat abachwz means nothing to uganda! But u really have mental case!!
Gen. Kainerugaba avuga ko Gen. Fred Rwigema akomoka mu Bachwezi
That’s confidents based on nothing! Ofcourse this is yo time for pressing wat u wish! But remember this” no man is enough, but every man at his time” who are Abachwezi??? One day you will left uganda! At this time u will know dat abachwz means nothing to uganda! But u really have mental case!!
Gen. Kainerugaba avuga ko Gen. Fred Rwigema akomoka mu Bachwezi
Abachwezi ni Abahima bakomoka mu bwami bw, Abahima bwari buherereye mu buseruko bw, urwanda rwubu,muri Kararwe iri muntara ya kagera ya Tanzania yubu nigice code ça mbarara n’a Masaka muri Uganda.Twebwe abatutsi Bahima b,i Burundi twageze muri Bugufi intara yagenzurwa na Mwezi Senyamwiza mu 1700 dushoreye inyambo zacu turi Kugisha.Twagamba Uruhima ariko Ubu twataye umuco n,ururimi gakondo.Nimba Museveni ari Umuhima nawe ni Umuchwezi ! Gira amahoro.Michel Nsengiyumva.Kakuma refugees Camp, Turkana, Kenya.+254740828469.Burundian Refugee..
Gen. Kainerugaba avuga ko Gen. Fred Rwigema akomoka mu Bachwezi
Abachwezi ni Abahima bakomoka mu bwami bw, Abahima bwari buherereye mu buseruko bw, urwanda rwubu,muri Kararwe iri muntara ya kagera ya Tanzania yubu nigice code ça mbarara n’a Masaka muri Uganda.Twebwe abatutsi Bahima b,i Burundi twageze muri Bugufi intara yagenzurwa na Mwezi Senyamwiza mu 1700 dushoreye inyambo zacu turi Kugisha.Twagamba Uruhima ariko Ubu twataye umuco n,ururimi gakondo.Nimba Museveni ari Umuhima nawe ni Umuchwezi ! Gira amahoro.Michel Nsengiyumva.Kakuma refugees Camp, Turkana, Kenya.+254740828469.Burundian Refugee..