Minisiteri y’Ubuzima mu Rwanda kuri uyu wa 13 Ugushyingo 2020 yatangaje ko gereza ya Muhanga yabonetsemo abantu 36 banduye Covid-19. Ni mu gihe muri rusange, abanduye biyongereyeho 43 mu bipimo 2759 byafashwe.
Abanduye barimo aba babonetse muri iyi gereza, uwabonetse i Kigali, uwabonetse i Kirehe, 2 babonetse muri Nyamagabe, 2 babonetse muri Rubavu n’undi wabonetse muri Rwamagana.
Undi mugabo w’imyaka 72 y’amavuko yiciwe n’iki cyorezo mu Karere ka Rwamagana.
