Guverinoma ya Repubulika ya Demukarasi ya Congo (RDC) iratakambira abagiraneza ngo bafashe abimuwe n’imirwano y’umutwe witwaje intwaro wa M23 n’ingabo za Leta.
Iyi guverinoma ibinyujije muri Minisiteri ishinzwe itumanaho n’itangazamakuru, kuri uyu wa 5 Ukuboza 2022 yashyize hanze konti zitandukanye zirimo iza banki na Mobile Money, isobanura ko aba bantu 630 bakeneye ubufasha bwihutirwa.
Yagize iti: “Uyu munsi nshuti, mwerekane kwifatanya n’abahunze imirwano mu burasirazuba bwa Congo! Abantu barenga 630,000 bakeneye ubufasha mu ntara zo mu burasirazuba bitewe n’intambara u Rwanda rwashoje mu burasirazuba bwa RDC.”
Iyi Minisiteri yasobanuye ko abatuye mu gace ka Kishishe, teritwari ya Rutshuru mu ntara ya Kivu y’Amajyaruguru bakeneye ubufasha bwihariye. Iti: “RDC yinjiriwe n’u Rwanda na M23. Intambara itwara ikiguzi kuri buri umwe mu bafatanyabikorwa bacu muri Afurika na mpuzamahanga. Buri wese afite uruhare mu gutanga ububasha.”
Irasaba abagiraneza kohereza ubufasha kuri izi konti; yaba amadolari 10, 100, 1000 cyangwa arengaho. Iti: “Ku bw’uburukundo rwa RDC, nimudufashe.”
Imirwano ya M23 na FARDC yatangiye mu mpera z’umwaka w’2021, ifata intera mu ntangiriro z’uyu mwaka w’2022. Ubu imaze gukwira muri teritwari ya Rutshuru yose.
6 Responses
Guverinoma ya RDC iratakambira abagiraneza ngo bafashe abimuwe n’imirwano ya M23 na FARDC
Egoko! Barasaba inkunga kandi bavuga ko igihugu cyabo gikize ?
Guverinoma ya RDC iratakambira abagiraneza ngo bafashe abimuwe n’imirwano ya M23 na FARDC
Egoko! Barasaba inkunga kandi bavuga ko igihugu cyabo gikize ?
Guverinoma ya RDC iratakambira abagiraneza ngo bafashe abimuwe n’imirwano ya M23 na FARDC
Ubu salaire ya gvmt un mois ntiyabafasha niba babatekereza nkabenegihugu uretse ibinga rya boss. Urebe ayo ahembwa. Imana ya Congo irahari. Uretse Gatulika ibambika masque.
Guverinoma ya RDC iratakambira abagiraneza ngo bafashe abimuwe n’imirwano ya M23 na FARDC
Ubu salaire ya gvmt un mois ntiyabafasha niba babatekereza nkabenegihugu uretse ibinga rya boss. Urebe ayo ahembwa. Imana ya Congo irahari. Uretse Gatulika ibambika masque.
Guverinoma ya RDC iratakambira abagiraneza ngo bafashe abimuwe n’imirwano ya M23 na FARDC
Ariko se iki si cya gihugu babeshya ko gikize gifite amabuye y’agaciro? None ngo barasaba abagiraneza imfashanyo yo gufasha abaturage?
Guverinoma ya RDC iratakambira abagiraneza ngo bafashe abimuwe n’imirwano ya M23 na FARDC
Ariko se iki si cya gihugu babeshya ko gikize gifite amabuye y’agaciro? None ngo barasaba abagiraneza imfashanyo yo gufasha abaturage?