Rutahizamu w’Ikipe y’Igihugu ‘Amavubi’, Hakizimana Muhadjiri, yamaze gutera umugongo AS Kigali yakiniraga na Rayon Sports yamwifuzaga yerekeza muri Police FC.
Uyu musore w’i Rubavu yari amaze umwaka umwe akinira AS Kigali, nyuma yo kuyerekezamo mu mpeshyi y’umwaka ushize ateye umugongo Rayon Sports yamukozagaho imitwe y’intoki.
AS Kigali yayifashije kwegukana umwanya wa kabiri muri shampiyona, anayihesha itike yo kuzahagararira u Rwanda muri CAF Confederation Cup.
Police FC yasinyishije Muhadjiri amasezerano y’umwaka umwe, imuha recruitment ya 15,000,000 Frw n’umushahara wa buri kwezi wa 1,000,000 Frw.
Hakizimana Muhadjiri abaye umukinnyi wa mbere Police FC isinyishije muri uyu mwaka, nyuma yo kwitwara nabi muri shampiyona ikarangiza ku mwanya wa kane.
Kurikira ibiganiro n’amavidewo binyura kuri Bwiza TV->https://www.youtube.com/channel/UC_Wx4Sy2IawVLtp5-QMRhnQ]
