Abantu batandatu barimo n’abapolisi babiri nibo bamaze kumenyekana ko basize ubuzima mu gitero cy’ibisasu mu Murwa mukuru wa Uganda mu gitondo cyo kuri uyu wa Kabiri nk’uko bitangazwa n’ikigo gishinzw ubutabazi, NECOC, (Uganda’s National Emergency Coordination and Operations Centre. Iki kigo kivuga ko kigikora iperereza ngo kimenye neza abakomerekeye muri iki gitero. Mu gitondo, igisasu kimwe cyaturikiye ku iduka rinini (centre comercial) riri hafi y’ikigo gikuru cya polisi. Ikindi cyaturikiye hafi y’ingoro y’inteko ishinga amategeko NECOC ivuga ko hari ibisasu bitatu byabonetse bitabshije guturika, bibiri bikaba byari biri hafi y’urukiko nk’uko umunyamakuru wa BBC uri i Kampala abivuga. Iki kigo kivuga ko abashinzwe iterabwoba muri polisi bari gushakisha ibindi bisasu bitaturitse ngo bisenywe. Daily Monitor kuri Twitter yashyize hanze amashusho agagaza imodoka zirimo zirashya hafi y’inzu y’ishyirahamwe ry’ubwishingizi. Umukuru wa Croix Rouge i Kampaka avuga ko hamwe haturikiye iki gisasu batabaye inkomere hafi 20. NTV Uganda ndetse n’umunyamakuru wa The Eastafrican i Kampala bavuga ko imirimo y’inteko yabaye ihagaze maze perezida wayo, Jacob Oulanyah ahita ahungishwa. Iyi televiziyo yavuze ko Salim Uhuru, umukuru w’akarere ka Kampala Central, yemeje ko umwe mu bagenzi be witwa Katongole yaguye muri uku guturika. Kuri ubu polisi yamaze kuzengeruka ako gace. Uku guturika ni ukwa gatatu kubaye muri aya make ashize nyuma y’ukwabereye ahitwa Komamboga, nyuma bisi ya Swift iturikira ahitwa Mpigi. Ibi bitero bivugwa ko byaguyemo abantu babiri.
