Inama y’Abaminisitiri yateranye kuri uyu wa 11 Ugushyingo 2020, yashyizeho abayobozi b’inzego n’ibigo bya leta bitandukanye, aho nka Anastase Murekezi wari Umuvunyi Mukuru yasimbujwe Madeleine Nirere.
Mu Kigo cy’Igihugu cy’Imisoro n’Amahoro (RRA)
- FĂ©licien Mwumvaneza: Ni umuyobozi ushinzwe serivisi za gasutamo.
- Rosine Uwamaliya: Ni umuyobozi ushinzwe ubugenzuzi bw’imbere (Internal Audit and Integrity).
- FĂ©licien Majyambere: Umuyobozi ushinzwe iby’amategeko
- Innocente Murasi: Umuyobozi ushinzwe gushyiraho ingamba no gusesengura ibibazo (Strategy and Risk Analysis).
- Jean Pierre Hitimana: Umuyobozi ushinzwe imari.
- Louise Kalisa Ingabire: Umuyobozi ushinzwe iby’ikoranabuhanga.
Muri Minisiteri y’Urubyiruko n’Umuco
- Solange Tetero: Umuyobozi Mukuru ushinzwe kongerera ubushobozi urubyiruko.
- Aimable Twahirwa: Umuyobozi Mukuru ushinzwe kumenyekanisha umuco.
Mu Nteko y’Umuco iherutse gukomanyirizwamo ibigo bitatu
- Umuyobozi Mukuru: Amb. Robert Masozera.
- Jean Claude Uwilingiyimana: Umuyobozi Mukuru wungirije, ushinzwe ururimi, gusigasira umuco no kuwumenyekanisha.
Mu kigo cy’Igihugu gishinzwe iby’ikirere mu Rwanda
Lieutenant Joseph Abakunda yagizwe Umuyobozi ushinzwe gushyiraho ingamba (Chief Strategy Officer).
Ikigo cy’Igihugu gishinzwe imikurire no kurengera umwana (NCDA)
- Umuyobozi Mukuru: Dr. Anita Asiimwe.
- Umuyobozi Mukuru wungirije: Gilbert Munyemana.
- Umuyobozi w’ishami rishinzwe imirire: Irène Uwonkunda.
- Umuyobozi ushinzwe imikurire y’abana bakiri bato: Freya Zaninka.
Inama y’Igihugu y’Ubumenyi n’Ikorabuhanga
- Dr. Louis Sibomana: Umuyobozi ushinzwe siyansi no guteza imbere ikoranabuhanga.
- Dr. Esperance Munganyinka: Umuyobozi w’ishami rishinzwe ubushakashatsi, guteza imbere no kumenyekanisha udushya.
- Diane Umulisa: Umujyanama w’Umunyamabanga Nshingwabikorwa.
Ikigo cy’Igihugu cy’Ubushakashatsi n’Iterambere mu byerekeye inganda (NIRDA)
Dr. Christian Sekomo Birame ni we Muyobozi Mukuru mushya. Yasimbuye Kampeta Sayinzoga.
