Mu gihe u Rwanda n’Isi yose bibuka ku nshuro ya 24 jenoside yakorewe Abatutsi, Ikigo cy’Igihugu gishinzwe iterambere ry’ubuhinzi mu Rwanda (RAB) cyibutse abahoze ari abakozi b’ibigo byayihurijwemo.
Ni umuhango wabaye ku wa Gatandatu tariki ya 5 Gicurasi 2018, mu murenge wa Rusatira mu karere ka Huye, ukaba wabimburiwe n’ijoro ryo kwibuka ryo ku wa Gatanu, igitambo cya misa no kunamira inzirakarengane z’Abatutsi biciwe mucyahoze ari ISAR- Rubona no mu nkengero zaho muri aka Karere.
Umuyobozi Mukuru wa RAB Dr.Patrick Karangwa yibukije ko kwibuka ari inshingano za buri wese kwisi.
Ati “usibye natwe Abanyarwanda twibuka abacu bazize Jenoside yakorewe Abatutsi 1994, buri muturage ku Isi yose agomba kwibuka kugirango bitazasubira ukundi’.
Minisitiri w’Ubuhinzi n’Ubworozi, Dr Mukeshimana Gerardine yavuzeko iyi Minisiteri ifite abakozi b’impunguke muri iki kigo, bityo akabasaba gutandukana na bagenzi babo bababanjirije kugirango abantu babagane babahaheho ubwenge buteza imbere igihugu.
Hashyinguye mu cyubahiro imibiri 13 y’Abatutsi bishwe muri Jenoside yakorewe Abatutsi mu 1994.
