U Bushinwa bumaze kuba kimwe mu bihugu bifitiwe imyenda myinshi n’ibihugu hafi ya byose byo muri Afurika ndetse bimwe muri byo bikaba bishobora no kutazabasha kwishyura iyo myenda.
Dore ibihugu 9 bya mbere bibereyemo imyenda myinshi u Bushinwa kurusha ibindi
Angola – Miliyari 25 $
Igihugu cya Angola nicyo cya mbere muri Afurika kibereyemo u Bushinwa imyenda myinshi ibarirwa muri miliyari 25$, harimo miliyari 14,5 $ cyahawe na Banki y’Iterambere y’u Bushinwa (CDB), na miliyari 5 $ cyahawe na Banki yo gutumiza no kohereza y’u Bushinwa, hari andi yahawe na Banki n’inganda n’ubucuruzi y’u Bushinwa (ICBC).
2) Ethiopia – Miliyari 13,7 $
Ethiopia nicyo gihugu cya kabiri gifite imyenda myinshi y’u Bushinwa nyuma ya Angola. Cyakiriye miliyari 13,7 $ muri miliyari 148 $ z’inguzanyo u Bushinwa bwahaye ibihugu byo muri Afurika hagati ya 2000 na 2018 nk’uko byemezwa n’ubushakashatsi bwa Kaminuza ya John Hopkins.
3) Kenya – Miliyari 7 $
Sisitemu yo kumenyesha imyenda ya Banki y’Isi ivuga ko Kenya igomba kwishyura u Bushinwa hafi miliyoni 499 z’amadolari kugeza mu mpera za Kamena. Kenya ngo na yo ikaba yarinjiye mu zindi guverinoma nyinshi za Afurika zafatiwe mu kiswe “dipolomasi y’imitego y’imyenda y’u Bushinwa”
4) Repubulika ya Congo – Miliyari 6,5 $
Congo-Brazzaville yasabwaga kwishyura mi;iyari 2 $ kugeza ku itariki ya 31 Ukuboza 2020 muri miliyari 6,5 $ ibereyemo u Bushinwa muri rusange.
5) Sudani – Miliyari 6,4 $
Mu 2019 imyenda ya Sudani yabarirwaga muri miliyari 50 $, u Bushinwa na Arabia Saoudite ari byo biza imbere mu kuyiha inguzanyo.
6) Zambia – Miliyari 6,4 $
Igihugu cya Zambia nacyo ni kimwe mu bihugu bya Afurika bibereyemo imyenda myinshi u Bushinwa, aho uru rutonde rwo mu mwaka ushize ruvuga ko iki gihugu cyari kibereyemo u Bushinwa miliyari 6,4 $.
7) Nigeria – Miliyari 5,6 $
Nigeria na yo igaragara kuri uru rutonde n’umwenda wa miliyari 5,6 $ yatse ikaba imaze guhabwa miliyari 3,3 $.
8) Cameroun – Miliyari 5,5 $
Igihugu cya Camerou nacyo kiri mu bibereyemo u Bushinwa imyenda myinshi igera muri miliyari 5,5 $.
9) Ghana – Miliyari 3,5 $
U Bushinwa bumaze igihe butera inkunga y’inguzanyo Ghana. Iki gihugu cyo mu burengerazuba bwa Afurika kibereyemo u Bushinwa umwenda wa miliyari 3,5 $ ariko cyabashije kugabanyirizwaho miliyoni 25 $.
U Bushinwa kandi bwahaye Ghana inguzanyo ya miliyoni 562 $ zo kubaka urugomero rw’amashanyarazi rwa Bui binyuze muri Banki y’u Bushinwa yo Kohereza no Gutumiza (Exim Bank).
