Ibiro by’Umuvunyi byatangaje ko by’ibirego byakiriwe mu mwaka w’ingengo y’imari wa 2024/2025 byiyongereyeho 45%, nk’uko raporo y’uru rwego ya buri mwaka yashyikirijwe Inteko Ishinga Amategeko ku itariki ya 21 Ukwakira ivuga.
Raporo yerekanye ko ibirego 2.305 byakiriwe kandi bigakemurwa binyuze mu nyandiko zanditse no mu bikorwa byo kuri terrain, ugereranije n’ibirego 1.587 byakiriwe mu 2024.
Umuvunyi Mukuru Madeleine Nirere yavuze ko kwiyongera kw’ibirego byatangajwe byatewe no kurushaho guhugura abaturage, kugenzura ibibazo by’abaturage, kugenzura imenyekanisha ry’umutungo, no gusesengura amakuru ku bijyanye na ruswa.
Mu birego 2.305 byohererejwe Umuvunyi Mukuru, ibirego byatanzwe mu nyandiko ni 999, mu gihe 1.306 byakiriwe mu gihe cyo gusura abaturage kuri terrain byakozwe muri gahunda y’igihugu yo gukumira no kurwanya akarengane.
Ku bijyanye n’ikigereranyo cyagezweho mu gukemura ibibazo, raporo yagaragaje ko hatanzwe imyanzuro 501 mu nyandiko, kandi ibirego 1020 byakiriwe kuri terrain byakemuwe, mu gihe ibirego 337 byanditse n’ibirego 267 byakiriwe kuri terrain bigikurikiranwa n’inzego zibishinzwe. Dosiye 180 ziracyakurikiranwa mu buryo butaziguye n’ibiro by’Umuvunyi.
Mu birego 1.306 byakiriwe mu gihe cyo gusura abaturage kuri terrain mu turere dutanu, Gicumbi yanditswemo umubare munini ku kigero cya 26%, ikurikirwa na Rutsiro na 21%, Nyanza na Kayonza na 20% buri hamwe, naho Nyuruguru handitswe 13%.
Mu gukemura amakimbirane, Umuvunyi Mukuru yabaye umuhuza muri dosiye 26, izigera muri 24 zikemurwa binyuze mu bwumvikane. 18 muri zo zerekeye umunani (inheritance), kutubahiriza amasezerano, gushyira mu bikorwa imyanzuro y’inkiko, n’amakimbirane ashingiye ku butaka, mu gihe umunani zisigaye ari ubujurire mu nkiko busaba gusubirwamo hashingiwe ku karengane.
