Uruhererekane rw’imodoka nyinshi zuzuye Abasirikare b’Abarundi n’ibikoresho zimaze iminsi zigaragara mu gace ka Kaburantwa, mu Ntara ya Cibitoke, mu majyaruguru y’uburengerazuba bw’u Burundi, zerekeza muri Repubulika ya Demokarasi ya Congo.
Bivugwa ko abo basirikare bitwaje intwaro nyinshi boherejwe kongerera ingufu Ingabo z’u Burundi ziri mu Karere ka Minembwe, muri Kivu y’Amajyepfo, aho zikorana n’Ingabo z’igihugu cya Repubulika ya Demokarasi ya Congo (FARDC) n’inyeshyamba za Wazalendo, kurwanya indi mitwe y’inyeshyamba irwanya ubutegetsi bwa Congo.
Kuva mu mpera z’icyumweru gishize, abatuye mu Mudugudu wa Kaburantwa, muri Zone ya Buganda, babonye amakamyo nibura mirongo itatu yuzuye abasirikare bafite ibikoresho byinshi. Umuturage wo ku muhanda wa 6 yagize ati: “Bahanyura buri munsi, berekeza ku mupaka wa Congo.”
Bivugwa ko abo basirikare baturuka mu birindiro byinshi byo mu Burundi no mu bigo byitorezwamo, birimo Cishemere na Mudubugu, ahaherutse kumvikana urusaku rw’intwaro ziremereye nk’uko iyi nkuru dukesha SOS Medias Burundi ivuga.
Nk’uko amakuru aturuka mu nzego nyinshi zaho abitangaza, muri izo ngabo harimo n’abahoze mu gisirikare, abagize urubyiruko rw’ishyaka riri ku butegetsi mu Burundi (CNDD-FDD), hamwe n’abasore binjiye mu gisirikare vuba batojwe gukoresha intwaro ziremereye n’abarimu baturutse mu mitwe y’inyeshyamba z’Abanyarwanda bakora ku bufatanye n’abayobozi b’u Burundi.
Umwe mu basirikare bari muri ibi bikorwa utarifuje ko amazina ye atangazwa, yasobanuye ko ubutumwa bwabo ari ukongerera Ingabo z’u Burundi zimaze igihe zikorera mu misozi ya Minembwe, iruhande rwa FARDC. Abanzi bagomba guhangana na bo ni; Red-Tabara, FNL, Twirwaneho, ndetse na M23.
One Response
Hariho ikintu ntatahura: sintahura ukuntu uburundi buzi ko buri hafi y’u rwanda, bwakwifatanya na congo ngo bice abanyamulenge. Yemwe l’esprit de génocide ntirava mu bahutu bamwe bamwe n’abatutsi bamwe bamwe bemera kuba abahutu ngo bice abantu. Ikintu ntumva ni ubujuju bw’intwaro ya cndd fdd iri ku butegetsi mu burundi kuva 2005. ico ntumva n’uko bemera kwonona igihugu cabo ngo bariko bashigikira FDLR. Le Rwanda a été déjà libellé. Bwa bundi abahutu b’i Rwanda barusha ubwenge abahutu b’i burundi kabisa. None imbere y’intwaro yigenza uko, itagira ababanyi, itagira abagenzi, ninde yoyizera? Ingorane ziracari ho ndabarahiye