Ikipe ya Juventus irashaka kugura Lukaku na Ramsey wa Arsenal

Ikipe ya Juventus yo mu Butaliyani, irashaka kugura abakinnyi Romelu Lukaku wa Manchester United ndetse na Aaron Ramsey ukinira Arsenal.

Umubiligi Romelu Lukaku w’imyaka 25 y’amavuko asanzwe ari umwe mu bakinnyi bahagaze neza muri iyi kipe ya Man. Utd. Ku wa 10 Nyakanga 2017 nibwo yinjiye muri iyi kipe avuye muri Everton.

Mu mikino 22 amaze gukinira Man Utd, Lukaku amaze gutsinda ibitego bitanu.

Undi mukinnyi wagarutsweho n’ibinyamakuru byo mu Butaliyani, ni Aaron Ramsey wa Arsenal w’imyaka 27 y’amavuko. Uyu musore umaze imyaka igera ku 10 muri Arsenal ngo ishobora kumugurisha mu gihe nayo ishaka kugura Nicolas Pepe.

Nicolas Pepe usanzwe akinira Lille yo mu Bufaransa, ngo Arsenal iramutse imuguze yamutangaho akayabo ka miliyoni 72 z’amapawundi, ibintu ngo ikipe ya Arsenal itajyaga ikozwa byo gutanga atabutse igura abakinnyi kuri uru rugero.