Imikino ya Shampiyona y’umupira w’amaguru mu Bwongereza (EPL) yabaye ihagaritswe mu rwego rwo kunamira Umwamikazi w’Ubwongereza, Elizabeth II watabarutse kuwa 8 Nzeri 2022. Mu gitondo cyo kuri uyu wa 9 Nzeri nibwo indi mikino itari ruhago yari iteganyijwe yari yabaye isubitswe. Ibya Premier League ntibyari byakavuzweho gusa ku gicamunsi nibwo EPL na FA banzuye ko imikino yari kuba muri iyi wikendi n’iyo kuwa Mbere nimugoroba, ihagaritswe muri iki gihe cy’icyunamo, itariki izakinirwaho ikazatangazwa. Byari biteganyijwe ko amakipe azahura ku buryo bukurikira: Fulham vs Chelsea, Liverpool vs Wolves, Man City vs Totenham, Arsenal vs Everton, Leicester City vs Aston Villa, Bournemouth vs Brighton.
