Ubuyobozi bw’ikipe ya Kiyovu Sports bwamaze gutumiza inama y’igitaraganya yahuje abakinnyi n’ubuyobozi, nyuma y’uko iyi kipe itsinzwe na Rutsiro igasezererwa muri shampiyona itarenze umutaru.
Ejo ku wa Mbere ni bwo urugendo ruganisha Kiyovu Sports ku ndoto zayo z’igikombe cya shampiyona rwatangiye, nyuma yo gutsindwa na Rutsiro ibitego 2-1.
Nyuma yo gutsindwa uyu mukino Perezida Mvukiyehe Juvenal yahise atumiza inama y’igitaraganya igamije gushakira umuti ikibazo cy’umusaruro mubi wugarije iriya kipe.
Abitaburiye iriya nama yabereye i Runda mu karere ka Kamonyi barimo abakinnyi, abatoza, Umunyamabanga Mukuru w’iyi kipe ndetse na bamwe mu bagize komite nyobozi ya Kiyovu Sports.
Impamvu yo kubura umusaruro mwiza, Ubugambanyi bwa bamwe bari mu kipe ya Kiyovu Sports, Impinduka zishobora gukorwa muri Kiyovu Sports n’intego bazajyana mu makipe umunani ya nyuma biri mu byaganiriweho muri iyi nama.
Iyi nama yabaye mu gihe muri Kiyovu Sports havugwamo amakuru y’uko hari abakinnyi batumva umutoza Etienne Ndayiragije, ku buryo bishobora kurangira bamwe bahagaritswe.
Kurikira ibiganiro n’amavidewo binyura kuri Bwiza TV
2 Responses
Inama y’igitaraganya muri Kiyovu Sports nyuma yo gusebera imbere ya Rutsiro FC
Mwarasuhubutse guhita musezerera Karekezi,ibyo ni ibiranga ubuyobozi butifitiye ikizere,ahubwo nimureba nabi murisanga muri 2amanuka nimukomeza kujagarara.
Inama y’igitaraganya muri Kiyovu Sports nyuma yo gusebera imbere ya Rutsiro FC
Mwarasuhubutse guhita musezerera Karekezi,ibyo ni ibiranga ubuyobozi butifitiye ikizere,ahubwo nimureba nabi murisanga muri 2amanuka nimukomeza kujagarara.