Abayobozi bo mu karere bahaye umugisha imigambi yo kugabanya ingabo zoherejwe muri Somalia no guha iki gihugu amahirwe yo kwifatira mu biganza byacyo mu buryo bwuzuye ibijyanye no kugarura amahoro. Ibi byemejwe mu nama idasanzwe y’abakuru b’ibihugu byohereje ingabo muri Somalia yateraniye i Kampala kuri uyu wa Kane ushize .
Nk’uko itangazo ryashyizwe ahagaragara Chimpreporrts yabashije kugenzura rivuga, abayobozi bahaye ikaze umugambi wa Guverinoma ya Somalia wo kwishingira mu buryo bwuzuye no kuyobora ingamba zigamije kugarura amahoro, mu rwego rwo kugarura ububasha bwa leta no gusubiza serivisi za leta zigenewe abaturage mu bice byabohojwe.
Iyi nama kandi yafatiwemo icyemezo yo kugabanyamo abasirikare 2000 mu ngabo za ATMIS nk’uko byemejwe mu mwanzuro w’Akanama k’Umutekano k’Umuryango w’Abibumbye w’2670 wo mu 2022.
Uyu mwanzuro wa Loni wahaye umugisha umugambi wa Afurika Yunze Ubumwe wo kugabanya buhoro buhoro ingabo zoherejwe kugarura amahoro muri Somalia kandi ibi bikazageza ku kurangiza burundu ubutumwa bwa TMIS bitarenze itariki ya 31 Ukuboza 2024.
Icyiciro cya mbere rero kijyanye no kugabanyamo abasirikare 2000 kugeza muri Kamena 2023.
Iyi nama y’I Kampala yiabiriwe n’abakuru b’ibhugu batanze ingabo muri ATMIS, barimo; Ismil Omar Guelleh wa Djibouti, Evariste Ndayishimiye w’u Burundi, Dr William Ruto wa Kenya Minisitiri w’Intebe wungirije wa Ethiopia, Demeke Mekonnen, Yoweri Museveni wa Uganda wakiriye iyi naama mu ngoro ye, ndetse na Perezida wa Somalia, Sheikh Hassan Mohamud.
