Mu gihe ubushakashatsi burimbanyije mu bihugu by’Uburayi no muri Amerika, bashaka uburyo bahashya inyenzi bemeza ko bishobora gutera indwara z’uburyo bwinshi, ndetse hakaba harabonetse umuti utera hagashira imyaka itanu nta nyenzi ubonye mu nzu yawe, mu bushinwa ho siko biri.
Aka wa mugani ngo agahugu umuco akandi umuco. Bo bafata inyenzi nk’ikiribwa bikungahaye ku ntungamubiri ziha umubiri wa muntu ubudahangarwa butuma ahangana n’indwara nyinshi.
M.Wang, yashoyemo akayabo k’amafaranga (yuan) 180.000 ni ukuvuga hafi 22.000 yama euros, angana na miliyoni 17.600.000 y’amanyarwanda. KurI ubu abarirwa mu baherwe bakomeye kubera ubworozi bw’utu dukoko.
Muri 2010, ikiro cy’inyenzi zumishije cyaguraga amadorari 2 none ubu kigeze ku madorari 20, ni ukuvuga hafi frw 15.000 y’amanyarwanda.
Nk’uko bitangazwa n’ikinyamakuru buzzerie.com, ngo aborozi b’inyenzi barakize cyane ku buryo badashoboye guhaza isoko kubera isoko rinini ry’abazikeneye kuko bavumbuye ko ari umuti ukomeye wa cancer n’izindi ndwara zibasira imitsi.
Inganda zikora imiti igurishwa mu ma pharmacie zirazikenera. Bazivanga mu miti gakondo yo mu bushinwa ivura indwara yo kumurika (hemorroà¯de), ibibyimba byo mu mutwe (tumeurs cancéreuses), indwara zijyanye n’imitsi, acide yo mu gifu… bavuga ko inyenzi zumishije zivura indwara nyinshi.
Muri cambodge nabo iki kiribwa baracyemera cyane bakongeraho, Ibitagangurirwa, injereri, iminyorogoto, ibiparara, aho usanga mu masoko yabo batanditse utu dukoko kandi tugurwa cyane n’abene gihugu.
Kanda hano ujye ubona amakuru yihuse kandi kugihe kuri Facebook no kuri twitter
KAYIGANA Victor
