Minisitiri w’Intebe wa Israel, Benjamin Netanyahu, yirukanye abimukira baturutse muri Eritrea baherutse guhangana na Polisi, mu myigaragambyo yaranzwe n’amabuye, inkoni n’amasasu.
Iyi myigaragambyo yabereye mu mujyi wa Tel Aviv tariki ya 2 Nzeri 2023, aho abanya-Eritrea bashakaga kuburizamo ibirori byari byateguwe na ambasade yabo. Abarenga 140 barimo abapolisi 30 na 11 barashwe barakomeretse.
Netanyahu kuri uyu wa 3 Nzeri yatangarije ku rubuga rwa X ko aba bimukira barenze umurongo utukura. Ati: “Ibyabaye ejo byabaye kurenga umurongo utukura. Iyi ni imyigaragambyo, ni ukumena amaraso, ni imyigaragambyo tutakwemera.”
Yihanganishije abapolisi bakomeretse, anamenyesha ko abigaragambije bagomba kwirukanwa. Ati: “Turashaka gufatira abigaragambije ingamba zikomeye ziriko guhita tubirukana. Ndi gusaba itsinda nashyizeho uyu munsi gutegura bwuzuye bwo kwirukana abinjiye muri Israel mu buryo butemewe.”
Muri iyi myigaragambyo, habayeho guhangana kw’abarwanya ubutegetsi bwa Eritrea n’ababushyigikiye. Netanyahu yatangaje ko kubyumva byamugoye. Ati: “Nagowe no kumva uburyo twagirana ikibazo n’abigamba ko bashyigikiye ubutegetsi, ariko bakiyita impunzi.”
Israel icumbikiye abimukira baturutse muri Eritrea bagera ku bihumbi 18. Abenshi muri bo bavuga ko bahunze ubutegetsi bw’igitugu.
