Ishyirahamwe ry’Umupira w’amaguru muri Uganda (FUFA), ryamaze kwirukana umunya-Ireland y’Amajyaruguru, Jonathan McKinstry, ku nshingano zo gutoza Imisambi ya Uganda.
FUFA ku rubuga rwayo na McKinstry ku rubuga rwe rwa Internet, bombi bemeje ko batandukanye ku bwumvikane.
FUFA yashimiye MCKinstry n’itsinda bakoranaga ku bwakazi bakoze ndetse no kuba baritangiye guteza imbere ikipe ya Uganda mu gihe bari bamaze bayitoza.
Jonathan McKinstry wigeze gutoza ikipe y’igihugu ‘Amavubi’, yari amaze amezi 18 ari umutoza wa Uganda Cranes.
Uyu mutoza byibura yatsinze imikino ibiri muri itatu Uganda yagiye ikina itozwa na we, dore ko yatsinze 67% by’imikino yose yatoje Uganda.
Muri rusange mu mikino 18 yatoje, yatsinzemo 12, anganyamo itatu ndetse anatsindwamo indi itatu.
Igikomeye yagejeje kuri Uganda ni igikombe cya CECAFA yayihesheje muri 2018, nyuma yo gutsinda imikino yose yakinnye muri iryo rushanwa.
Muri 2019 bwo McKinstry yajyanye Uganda mu gikombe cya Afurika cyaberaga mu Misiri, ayigeze muri 1/8 cy’irangiza.
