Umunya-Portugal, Jorge Mendes uhagarariye umutoza Jose Mourinho wa Manchester United yavuze ko uyu mutoza “yishimye cyane” kandi “ashishikajwe n’umutima we wose no gutoza iyi kipe.
Yatangaje ibi mu gihe muri uyu mwaka w’imikino, ahazaza ha Mourinho muri iyi kipe hakomeje kwibazwaho, mu gihe iyi kipe ubu iri ku mwanya wa Gatandatu ku rutonde rw’agateganyo rwa shampiyona ya Premier League.
Mu itangazo Jorge Mendes uhagarariye Mourinho yasohoye, yagize ati “Ibyo kuba yasubira muri Real Madrid si ukuri na busa. Jose arishimye cyane muri iyi kipe kandi n’ikipe nayo iramwishimiye cyane. Afite kontaro y’igihe kirekire yo gutoza Manchester United kandi ashishikajwe n’umutima we wose n’iyi kipe mu kubaka uburyo buhamye bwo gutsinda”.
Atangaje ibi kandi mu gihe amakuru yakomeje kuvuga ko Mourinho ashobora gusubira muri Real Madrid, hari n’andi makuru avuga ko ubuyobozi bwa Manchester United buri kwiga ku kuba bwazana umutoza Mauricio Pochettino wa Tottenham ngo abe yasimbura umutoza Mourinho.
Mu kwezi kwa mbere ni bwo Mourinho, Umunya-Portugali w’imyaka 55 y’amavuko, yongereye kontaro ye yo gutoza iyi kipe kugera mu mwaka wa 2020. Ariko hakomeje kumvikana amakuru yuko ashobora gusubira mu ikipe ya Real Madrid yahoze atoza, andi akavuga ko ashoborwa kwirukanwa muri Man Utd,…
