Ikipe ya Fenerbahçe yo muri shampiyona y’icyiciro cya mbere muri Turukiya yamaze gutandukana n’umutoza wayo Jose Mourinho, nyuma yo kubura itike yo kwitabira imikino ya UEFA Champions League 2025/2026.
Amakuru y’iri tandukana yatangajwe ku mbuga nkoranyambaga z’iyi kipe kuri uyu wa Gatanu, aho bagize bati: “Twatandukanye na Jose Mourinho, wari umutoza wacu kuva mu mwaka w’imikino wa 2024-2025. Tumushimiye ku mbaraga yakoresheje ndetse tukamwifuriza amahirwe meza mu rugendo rwe rwa siporo.”
Mourinho, ukomoka muri Portugal, yirukanywe nyuma yo gutsindwa na Benfica igitego 1-0, bituma ikipe ye ibura amahirwe yo gukina Champions League y’umwaka utaha.
Uyu mutoza umaze kumenyekana ku rwego mpuzamahanga kubera amakipe akomeye yatoje nka Real Madrid, Chelsea, Manchester United na Inter Milan, avuye muri Fenerbahçe amaze kuyitoza imikino 62.
Mu mwaka w’imikino ushize, yayifashije kurangiza ku mwanya wa kabiri muri shampiyona, aho yarashwaga amanota 11 na Galatasaray yatwaye igikombe.
Ibi bibaye nyuma y’amasaha make Ole Gunnar Solskjaer nawe yirukanywe na Besiktas kuko yananiwe kuyigeza mu mikino ya Conference League.
