Justus Ariho Twinomujuni wari Umuyobozi Wungirije wa Koleji y’Ubucuruzi ya Uganda iherereye i Kabale, yapfuye agerageza gukubita umuhungu we.
Abo mu muryango w’uyu muyobozi bavuze ko yapfuye yirukanka ku muhungu we wari wiganye imfunguzo z’ibyumba hafi ya byose by’urugo, bikarangira aguye.
Amakuru avuga ko Ariho yakubise umutwe ku ibuye, yakwihutishirizwa ku bitaro by’ahitwa mu Rugarama i Kabale akaba ari ho apfira.
Umuyobozi wa Koleji y’Ubucuruzi ya Uganda, Dr Stephen Tusiime, yahamirije ChimpReports urupfu rw’uwari umwungiriza we, avuga ko urupfu rwe rwabababaje cyane bijyanye n’uko yakoranaga umurava mu myaka 11 yari amaze muri kiriya kigo.
Yunzemo ko azahora yibukwa nk’umugaragu wa rubanda wakoranaga urukundo n’ubwitange inshingano yari afite.
