Muri iri joro ryo ku itariki ya 23-24 Werurwe 2026, biravugwa ko ingabo z’ihuriro ry’ubutegetsi bwa Kinshasa, harimo na Wazalendo, zagabye igitero nkana ku baturage bo muri Teritwari ya Kalehe.
Itangazo ryashyizwe ahagaragara na AFC/M23, rivuga ko mu Mudugudu wa Cumuyaga, abantu batanu bishwe bunyamaswa undi arakomereka bikabije, mu gihe amatungo y’abaturage yasahuwe mu buryo bwateguwe.
Naho mu Mudugudu wa Bibatama, abaturage batandatu bapfuye umuntu umwe arakomereka bikabije.
Ibi bitero by’ubugizi bwa nabi byibasiye abasivili byongeye kwerekana iterabwoba n’ubunyamaswa bikorerwa abaturage.
AFC / M23 yongeye gushimangira ubushake bwayo bwo kurinda no kurengera abaturage ndetse n’ibyabo.
