Myugaruro Kayumba Soter wakiniraga Ikipe ya Rayon Sports, na we yamaze gutandukana na yo yerekeza mu kipe ya Mukura Victory Sports.
Kayumba wari umaze umezi umunani muri Rayon Sports yasinye amasezerano y’imyaka ibiri muri iyi kipe y’i Huye.
Iyi kipe kandi yamaze gusinyisha abarimo Biraboneye Aphrodis na Ngirimana Alex, ndetse binavugwa ko yamaze kumvikana n’abandi bakinnyi barimo Habamahoro Vincent, Sekamana Maxime, Kubwimana CĂ©dric, Muhoza TrĂ©sor, Niyibizi Vedaste, Saddick Sulley na Muhoozi Fred.
Kayumba Soter yiyongereye ku bandi bakinnyi bamaze gutandukana na Rayon Sports barangajwe imbere na Rugwiro Hervé, Héritier Luvumbu na Mugisha Gilbert.
Ibi bivuze ko iyi kipe isigaranye abakinnyi babiri bonyine bakina mu mutima w’ubwugarizi, barimo Niyigena ClĂ©ment na Mushimiyimana Mohamed uheruka kuva muri APR FC.
Kayumba Soter yari umukinnyi wa Rayon Sports nyuma yo kuyigeramo muri Mutarama uyu mwaka avuye muri AFC Leopards yo muri Kenya yari abereye Kapiteni.
Kurikira ibiganiro n’amavidewo binyura kuri Bwiza TV->https://www.youtube.com/channel/UC_Wx4Sy2IawVLtp5-QMRhnQ]
