Mukayizere Jalia uzwi muri filime y’uruhererekane ya Bamenya nka Kecapu, yamaze gusezerana imbere y’amategeko n’umukunzi we Jean Luc uheruka kumwambika impeta.
Uyu mukobwa yemeje aya makuru binyuze mu mafoto yasangije abamukurikira ku rubuga rwe rwa Instagram.
Ni amafoto yari aherekejwe n’amagambo agaragaza ko yasezeranye ku munsi w’ejo hashize ku wa Gatanu tariki ya 27 Gicurasi.
Mu ntangiriro z’uku kwezi nibwo Kecapu yagaragaje ko Jean Luc yamwambitse impeta ya fiançailles amusaba ko yazamubera umutwe undi akamubera umutima.
Aba bombi basezeranye imbere y’amategeko nyuma y’imyaka irenga 10 bari bamaze bakundana.
