Guhera kuri uyu wa mbere tariki ya 21 Ugushyingo 2016, I Nairobi muri Kenya hagiye guteranira inama y’ibyumweru 2 y’Abadepite bagize Inteko Ishinga Amategeko mu muryango w’Afurika y’Iburasirazuba(EALA ), iyi nama ikaba iziga ku ngingo 2 z’ingenzi zirimo umushinga w’itegeko ry’uburinganire n’iterambere ry’umugore ndetse n’uburyo hanozwa imikoreshereze y’ibikorwa muri za pulastike.
[ad id=”44145″]
Biteganyijwe ko iyi nama izayoborwa n’umuvugizi wa EALA, Rt. Hon Daniel F. Kidega, ikaba ari ku nshuro yayo ya 3 igiye kuba hagamijwe kunoza ibikubiye mu nyandiko z’ibyagombaga gukorwa muri uyu mwaka wa 2016.
Iyi nama ngo izaba kandi igamije kurebera hamwe uruhare rw’umugore mu iterambere ry’umuryango, ndetse no kurebera hamwe uko ubwitabire bw’abagore mu myanya y’ubuyobozi bwakomeza kuzamuka muri aka karere.
Amasezerano akubiye mu ngingo y’121 mu mategeko ngenderwaho y’umuryango EALA, agaragaza uruhare rw’umugore mu iterambere ry’ubukungu na sosiyete muri rusange, ndetse no mu guteza imbere ibihugu bisangiye uyu muryango. Ibi bikaba bizafashiriza hamwe mu kunoza neza uyu mushinga ugiye kwigwaho.
Naho ku kijyanye no kunoza imikoreshereze y’ibikoresho bikoze muri purasitiki, umushinga w’iri tegeko ugena imikoreshereze y’ibi bikoresho ku bijyanye no kurinda ikirere n’ibidukikije, uburyo bikoreshwa mu bijyanye n’ubucuruzi mu bihugu bigize umuryango, uyu mushinga ukaba waratangiye gutekerezwaho muri uyu mwaka mu nama iheruka yabereye I Arusha muri Tanzania.
[ad id=”44145″]
Iyi nama iteganyijwe kumara ibyumweru 2 ngo izanarebera hamwe raporo ku bikorwa by’uyu muryango
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@bwiza.com
