Kuva ku italiki ya 16 Kanama 2016, Umuryango RCN Justice &Democratie wateguye amahugurwa agamije kongera ubushobozi abunzi bazaturuka mu Turere twa Burera, Gicumbi,Ngororero, Nyabihu ndetse na Nyrugenge.
Aya mahugurwa azibanda ahanini mu gusobanurira abunzi kumenya gusomana ubushishozi inyandikomvugo z’ ibirego by’ abaturage ndetse n’ amategeko abunzi bashobora kwifashisha n’ inzira bacamo mu rwego rwo gukemura amakimbirane y’ abaturage.
Inyigo yakozwe n’ Umuryango RCN J& D yerekanye ko kwegereza abunzi ibikoresho bya ngombwa no kubahugura bituma bakemura ibibazo by’ abaturage bikomeje kwiyongera uko bucyeye bityo bakabana neza ndetse bikorohereza inkiko zibanze zari zisanzwe zakira ibirego byinshi nk’ uko tubikesha RNA.
Akarusho ni uko iyo abunzi bahuguwe neza bajijura abaturage ku bijyanye n’ amategeko ndetse bakanabigisha kumenya uburenganzira bwabo n’ inzego z’ ubutabera bakwiyambaza mu gihe bibaye ngombwa.
[xyz-ihs snippet=”google-pub”]
Bwa mbere amahugurwa y’ abunzi bo mu tugali n’ uturere yabaye ku italiki ya 7 kugeza ku ya 29 Kamena 2016.
Muri rusange icyo gihe hahuguwe abunzi 888 mu rwego rw’ utugali ndetse na 444 mu rwego rw’ imirenge mu turere 5.
Umuryango RCN & D wateguye aya mahugurwa y’ abunzi ku bufatanye na Minisiteri y’ Ubutabera n’ Ikigo cy’ Abanyasuwedi gishinzwe iterambere Mpuzamahanga(SIDA).
Kanda hano ujye ubona amakuru yihuse kandi kugihe kuri Facebook no kuri twitter
Zamubandi Saido/Bwiza.com
