Minisiteri y’Ubuzima mu Rwanda kuri uyu wa 24 Kamena 2020 yatangaje ko mujyi wa Kigali, mu Karere ka Rusizi, Kirehe na Nyagatare hagaragaye abantu 32 banduye Covid-19 mu bipimo 3415 byafashwe.
Mu mujyi wa Kigali habonetse abarwayi 3, muri Rusizi haboneka 22, muri Kirehe haboneka 6 mu gihe Nyagatare yabonetsemo umwe.
Abamaze gukira iki cyorezo bagumye kuri 376 barimo 5 b’uyu munsi.
Muri rusange abamaze kugaragaraho iki cyorezo muri iki gihugu ni 830 abakirwaye ni 452. Abapfuye ni babiri barimo umusaza w’imyaka 65 y’amavuko n’undi w’imyaka 24 y’amavuko.
