Mu gitondo cy’uyu wa 6 Nzeri, umukobwa w’imyaka 25 y’amavuko, yagerageje gusimbuka ava ku igorofa rya mbere mu nyubako ya M-Plaza izwi nko kwa Makuza ariko Imana ikinga akaboko.
Kigali Today yavuganye n’ushinzwe umutekano muri iyi nyubako ibarizwa mu karere ka Nyarugenge, Munyaneza Peter yayitangarije ko amazina yagaragaye ku ndangamuntu y’uyu mukobwa ari Scolastique Hatangimana Wavutse mu 1994.
Amakuru avuga ko uyu mukobwa yagiranye ikibazo n’umusore bakundanaga, yizirika igitambaro mu maso maze asimbuka iri gorofa.
Imodoka y’ubutabazi yamaze kumutwara mu bitaro bya CHUK ariko yakomeretse bikabije.
