Umudepite muri Repubulika ya Demukarasi ya Congo (RDC) witwa Éliézer Ntambwe Mposhi arashinja Abashinwa gukora icyorezo cya Covid-19 bwamara bugakumira Abanyakongo ngo batajya mu Bushinwa bakabanduza.
Yabimenyesheje Minisitiri w’ububanyi n’amahanga, Christophe Lutundula, mu gihe kuri uyu wa 12 Ukwakira 2022 u Bushinwa bwizihizaga imyaka 50 bumaze bubanye neza na RDC.
Yagize ati: “Imyaka itatu u Bushinwa bwafungiye imipaka yabwo abaturage ba RDC ariko Abashinwa bo bemererwa kwinjira muri RDC. Basobanura ko impamvu ari Covid-19. Kandi Covid yaturutse he? Si mu Bushinwa? Ni bo bakoze iyi ndwara.”
Depite Ntambwe yakomeje asobanura ko Abashinwa bahabwa uburenganzira bwose bwo kujya muri RDC igihe babishakiye, bakahakorera ibyo bashaka birimo ubucukuzi bw’amabuye y’agaciro no gucuruza, nyamara ngo Abanyekongo bo bamaze iyi myaka yose bakumiriwe mu Bushinwa kubera impamvu ya Covid-19.
Uyu mushingamategeko ashingiye kuri iki kibazo, abona Minisitiri Lutundula akwiye gutangariza Abanyekongo ukuri ku miterere y’umubano wa RDC n’u Bushinwa.
2 Responses
Kinshasa: Umudepite arashinja Abashinwa gukora Covid-19 hanyuma bagakumira Abanyekongo kujya mu Bushinwa
ndemeranya nuwo mugabo rwose nku munyafrica utuye china.aba chinese nabo bagombwa kwangirwa kwinjira muri africa nkuko batemerera abanyafrica kwinjira muri china
Kinshasa: Umudepite arashinja Abashinwa gukora Covid-19 hanyuma bagakumira Abanyekongo kujya mu Bushinwa
ndemeranya nuwo mugabo rwose nku munyafrica utuye china.aba chinese nabo bagombwa kwangirwa kwinjira muri africa nkuko batemerera abanyafrica kwinjira muri china