Ikigo cya Leta ya Koreya y’Epfo gishinzwe gukumira no kurwanya indwara, KDCA, yakoze iperereza rigamije kumenya impamvu y’urupfu rw’abaturage bayo 8 baherutse guterwa urukingo rwo Covid-19 rwa Astra Zeneca, isanga bigoye kumenya niba hari isano rufitanye n’iki gikorwa.
Nk’uko igitangazamakuru RT cy’Abarusiya cyari cyabitangaje tariki ya 6 Werurwe 2021, Koreya y’Epfo imaze gukingira abaturage 296000 bari ku kigero cya 0.6% cy’abatuye muri iki gihugu cyose.
Muri bo harimo 2800 bagaragaje ibimenyetso bidasanzwe nyuma yo guterwa uru rukingo, barimo 24 barembye; ari bo baje gupfamo umunani (8).
Umuyobozi Mukuru wa KDCA, Jeung Eun-kyeong nyuma y’iri perereza nk’uko tubikesha Reuteurs yagize ati: “Twasanze bigoye kumenya niba impinduka bagaragaje n’urupfu rwabo hari aho byaba bihuriye n’ikingira.”
Muri Autriche naho haherutse gupfa umuturage nyuma yo guhabwa urukingo rwa Astra Zeneca, undi araremba. Byatumye Leta iruhagarika by’agateganyo mu gihe hagikomeje iperereza.
Soma inkuru bifitanye isano hano https://bwiza.com/?Australia-Urukingo-rwa-AstraZeneca-rwahagaritswe-nyuma-y-aho-umuntu-apfuye
Kurikira ibiganiro n’amavidewo binyura kuri Bwiza TV
