U Burusiya bwagabye ibitero byinshi bya misile ku murwa mukuru wa Ukraine witwa Kyiv n’akarere kahakikije kuri uyu wa Gatatu, bihitana nibura abantu 15 binakomeretsa benshi.
Ibitero byatangiye nyuma gato ya saa sita z’ijoro, impanda ziteguza ibitero by’indege zumvikana mu murwa mukuru mu gihe kirenga isaha nk’uko bitangazwa na Deutsche Welle.
Ingabo zirwanira mu kirere za Ukraine zari zaburiye mbere ko misile zo mu bwoko bwa ballistic ziri mu nzira zerekeza i Kyiv.
Nk’uko amakuru yaturutse mu ngabo zirwanira mu kirere abivuga, Ukraine ntiyashoboye kurasa misile n’imwe y’u Burusiya mu gitero cyagabwe mu ijoro kirimo indege 115 zitagira abapilote na misile 28 zihuta cyane, harimo n’iza ballistic.
