Minisiteri y’Ingabo ya Israeli kuri uyu wa 31 Mutarama 2021 yatangaje ko igiye kohereza doze 5000 z’inkingo za Covid-19 ku baturage ba Leta ya Palestine basanzwe badacana uwaka.
Ni nyuma y’aho iki gihugu gishinjwe kwikubira izi nking; aho cyakingiye abaturage barenga miliyoni 3 muri miliyoni zirenga gato 9 bagituye, mu gihe abo muri Palestine batarabona na doze n’imwe.
Ibiro bya Minisiteri y’Ingabo bivuga ko izi doze z’inkingo, zizagenerwa abakozi mu nzego z’ubuzima bari kugira uruhare runini mu guhangana n’icyorezo cya Covid-19.
Inkuru ya France 24 ivuga ko Israeli itigeze ivuga igihe izoherereza izi nkingo muri Palestine, ndetse n’ubuyobozi bwa Palestine ntacyo buravuga kuri iki cyemezo.
