Abagera kuri mirongo ine bo mu mutwe wa polisi, ugizwe n’abanya-Misiri, ku wa 27 Ukwakira 2018, nibwo basesekaye i Lubumbashi (Haut-Katanga), muri Repubulika Iharanira Demokarasi ya Congo, aho bagomba kurinda abaturage.
Aba bapolisi ngo baziyongeraho abandi mu minsi iri imbere nk’uko Radiyo Okapi ibitangaza. Umuyobozi wabo wungirije, Col. Amahad Mihi akaba atangaza ko boherejwe i Lubumbashi mu rwego rwo kurinda abaturage ndetse n’ibya Loni.
Yagize ati “Tuje kurinda abasivile ndetse n’ibikoresho by’umuryango w’Abibumbye, ndetse no gukorana uburinzi na UNPOL, turi hano na none mu rwego rwo kubungabunga uburenganzira bw’ikiremwamuntu, umutwe wacu ugizwe n’abapolisi 140, kugeza kuri 30 Ugushyingo imitwe yose izaba yahasesekaye”.
Aba bapolisi basesekaye muri Repubulika Iharanira Demokarasi ya Congo, mu gihe habura amaze agera kuri abiri ngo habe amatora y’umukuru w’igihugu uzasimbura Perezida Kabila wayoboye iki gihugu kuva mu 2001.
[penci_related_posts taxonomies=”undefined” title=”Inline Related Posts” background=”” border=”” thumbright=”no” number=”4″ style=”grid” align=”none” displayby=”recent_posts” orderby=”random”]
