Umutwe wa M23 watangaje ko kuva mu gitondo kuri iki Cyumweru, Ihuriro ry’Ingabo za Leta ya Kinshasa zagabye igitero ku basivili ba Nyamitaba no mu nkengero zaho.
Itangazo ryashyizwe ahagaragara n’Umuvugizi wa M23, Laurence Kanyuka, rigira riti: “Kuva ku isaha ya saa munani z’igitondo cyo kuri iki Cyumweru, itariki ya 8 Kanama 2024, Ihuriro ry’ingabo z’ubutegetsi bwa Kinshasa zagabye ibitero simusiga ku baturage i Nyamitaba no mu nkengero zawo.”
Yakomeje agira ati: “Ibi bitero bitarobanura, byibasiye abaturage b’inzirakarengane, ni imyiyereko mishya y’ubugome bw’ubutegetsi bukomeje kubiba iterabwoba mu gihugu cyacu.”
Yongeyeho ko Ingabo z’Impinduramatwara muri Congo (ARC) zirwanaho kandi zirinda abaturage b’abasivili bibasiwe n’ibi bitero.
