Umuvugizi wa M23, Maj. Willy Ngoma yahakanye amakuru avuga ko Igisirikare cya Repubulika ya Demukarasi ya Congo, FARDC, kivuga ko cyishe abarwanyi 27 b’uyu mutwe mu mirwano yabereye ahitwa ntamugenga, muri Teritwari ya Rutshuru, gifata ibikoresho n’imiti byabo. Amakuru aturuka ku rwego rw’intara ya Kivu y’Amajyaruguru avuga ko muri iyi mirwano yabereye mu gace ka Ntamugenga no mu nkengero zaho, ibikoresho byafatiwemo birimo imbunda 5 za AK47, icyombo n’ingofero z’ubwirinzi (casques). Umuvugizi w’ibikorwa bya gisirikare bya Sokola 2, Lt Col. Ndjije Kaiko Guillaume yabyemereye itangazamakuru ati: “FARDC bagabye igitero kigari kuri M23-Rwanda muri Ntamugenga. Intego yari ukubohora santere ya Ntamugenga kandi byakozwe.” Col. Ndjije yakomeje ati: “Mu musaruro w’ibi bikorwa, umwanzi yahunze. Twamenye ko 27 b’uruhande rw’u Rwanda na M23 bishwe. Intwaro z’umwanzi zafashwe zirimo 5 za AK47, 1RPG, ibikoresho by’ubuvuzi, radiyo ya Motorola, ingofero n’ibindi bikoresho by’igisirikare byakorewe mu Rwanda.” Ku ruhande rwa FARDC, Col. Ndjije yasobanuye ko hakomeretse abasirikare babiri, bakaba bari kwitabwaho n’abaganga. Ati: “Ku ruhande rw’igisirikare, abasirikare ba FARDC babiri b’intwari bakomeretse, bakaba bari kwitabwaho n’abahanga bacu.” BWIZA yavuganye na Maj. Ngoma mu ijoro ryo kuwa 1 Nyakanga, ahakana aya makuru aseka cyane. Yatembagaye ati ” Ibyo ni ukubeshya.” M23 yahakanye ibivugwa na FARDC mu gihe imirwano FARDC ivuga ko yiciyemo abarwanyi 27 ba M23 yatangiye kuri uyu wa 30 Kamena 2022 nyuma y’aho uyu mutwe witwaje intwaro u Rwanda rushinjwa gufasha utangarije ko wafashe ikibuga cy’indege gito cya Rwankuba n’ibitaro byaho hafi ya Ntamugenga.
2 Responses
M23 ku bivugwa ko abarwanyi bayo 27 baguye mu mirwano na FARDC
Ariko njyewe mbona ingabo za congo zibeshya bisa nkabikina
Nigute bavugako bishe 27 babanyarwanda na M23
Ibi bisobanuyiki? Mining yokuvuga Urwanda
Sukwikina?
Murakoze
M23 ku bivugwa ko abarwanyi bayo 27 baguye mu mirwano na FARDC
Ariko njyewe mbona ingabo za congo zibeshya bisa nkabikina
Nigute bavugako bishe 27 babanyarwanda na M23
Ibi bisobanuyiki? Mining yokuvuga Urwanda
Sukwikina?
Murakoze