Umutwe wa M23 kuri uyu wa Gatandatu wanyomoje amakuru yavugaga ko ingabo zawo zaraye zivuye muri tumwe mu duce two mu mujyi wa Bukavu.
Ni amakuru yaramutse akwirakwizwa na bamwe mu banyamakuru basanzwe babogamira ku ruhande rwa Leta ya Repubulika Iharanira Demokarasi ya Congo.
Nk’uwitwa Daniel Michombero usanzwe azwi ku rubuga nkoranyambaga rwa X, yatangaje ko M23 yavuye mu gace ka Camp Musique gaherereye muri Komine Bagira, i Bukavu.
M23 biciye mu muvugizi wayo, Lawrence Kanyuka, yatangaje ko ibyavuzwe n’uriya munyamakuru ari ibinyoma.
Ati: “Bitandukanye n’ibinyoma bikwirakwizwa ku mbuga nkoranyambaga n’itangazamakuru ry’ubutegetsi bwa Kinshasa, Umujyi wa Bukavu uratekanye cyane. Camp Musique iragenzurwa na M23. Iryo tangazamakuru niritange amashusho y’ubu.”
Mu kwezi gushize Kwa Gashyantare ni bwo M23 yaherukaga kwigarurira Umujyi wa Goma yigaruriye na Bukavu, nyuma yo kwirukana muri iyi mijyi yombi ihuriro ry’ingabo za Leta ya Repubulika Iharanira Demokarasi ya Congo.
