Amakuru akomeje gucicikana ni uko abarwanyi ba M23 bagose umujyi wa Rutshuru, bihurirana n’ayiriwe ko bari bagose uduce twose twari gutuma bafata Rutshuru. Hari amakuru ko mu gitondo cyo kuwa Gatandatu, imirwano yafashe indi ntera aho umutwe wa M23 wamaze kugota umujyi wa Rutschuru usanzwe ubarizwamo ibiro bikuru bya Teritwari ya Rutshuru. Imirwano yari igikomeje ku gicamunsi mu bice bya Kabindi na Rangira bikikije umujyi wa Rutschuru. FARDC yibanze cyane ku kurinda umujyi kugira ngo udafatwa n’abarwanyi ba M23. Biravugwa ko FDLR yaba yohereje Kompanyi CRAP mu gufasha FARDC ngo itamburwa umujyi wa Rutshuru. BWIZA iracyagerageza kuvugana n’Umuvugizi wa M23, Maj. Willy Ngoma kuri aya makuru. FARDC ntacyo iravuga kuri iyi ngingo.
