Umutwe wa M23 kuri uyu wa Gatatu wongeye kwambura Igisirikare cya Repubulika Iharanira Demokarasi ya Congo (FARDC) agace ka Kishishe ko muri Teritwari ya Rutshuru, nyuma y’amasaha hafi 24 kagenzurwa na cyo.
Ku wa Kabiri tariki ya 24 Mutarama ni bwo FARDC yari yambuye M23 kariya gace, nyuma y’imirwano ikomeye yasakiranyije impande zombi.
Ni imirwano yongeye gukomeza mu rukerera rwo kuri uyu wa Gatatu.
Amakuru avuga ko kuri ubu M23 yamaze kwisubiza agace ka Kishishe, nyuma y’iriya mirwano.
Imirwano kandi bivugwa ko yasize M23 yigaruriye agace ka Bambo, nyuma y’icyitwa gusubira inyuma kw’Ingabo za Congo.
