Umutwe wa AFC/M23 ku wa Mbere wongeye gutakaza agace ka Kazinga ko muri Teritwari ya Masisi, ingabo za Leta ya RDC zongera kukagenzura.
Mu byumweru bibiri bishize ni bwo M23 yari yirukanye ingabo za Leta y’i Kinshasa muri kariya gace gaherereye muri Segiteri ya Osso Banyungu.
FARDC na Wazalendo bakisubije nyuma y’imirwano yamaze umunsi wose, nk’uko amakuru abivuga. Ni imirwano ngo yarimo intwaro ziremereye n’izoroheje.
M23 yavuye muri Kazinga, mu gihe ingabo zayo ziheruka no kuva mu duce twa Ndete na Buabo duturanye na yo.
