Ingabo za Leta ya Congo (FARDC) nizo zatangaje ko zataye muri yombi Sabimana Iraguha wari uzwi ku izina rya Mugisha Vainqueur, wari umuyobozi wa FDLR (Foca).
Nk’uko bitangazwa na Radio Okapi, uyu mugabo ngo yafashwe ku wa kane tariki ya 11 Kanama 2016, akaba yareretswe itangazamakuru ku wa Gatanu tariki ya 12 Kanama.
Uyu mugabo wari ufite ipeti rya Majoro, yashakishawaga n’ubutabera kubera ibyaha ashinjwa birimo ibya Jenoside yakorewe Abatutsi mu Rwanda, ubwicanyi bwakorewe abaturage mu gace ka Kamananga i Bunyakiri (Sud-Kivu).
Ubu bwicanyi ashinjwa muri aka gace ko muri Sud Kivu ngo yabukoze ku wa 14 Gicurasi 2013, abantu 32 bakaba barishwe umunsi umwe.
Capt. Guillaume NDjike Kaiko watangaje aya makuru, yakomeje asaba n’izindi nyeshyamba zigifite intego yo guhungabanya umutekano ko zashyira intwaro hasi zikishyira mu maboko y’ingabo za Leta (FARDC).
Kanda hano ujye ubona amakuru yihuse kandi kugihe kuri Facebook no kuri twitter
Itangishatse Theoneste/Bwiza.com
