Kuri uyu wa Gatatu, itariki ya 10 Ukuboza, havuzwe imirwano ikaze, i Bitongi, ku birometero 3 uvuye i Kalembe muri Gurupoma ya Bashali Mokoto muri Teritwari ya Masisi mu Ntara ya Kivu y’Amajyaruguru.
Amakuru atandukanye ava muri ako gace agera kuri ACTUALITE.CD avuga ko inyeshyamba za Wazalendo zagabye igitero ku birindiro by’inyeshyamba za AFC / M23 muri kariya gace ahagana mu ma saa kumi z’umugoroba ku isaha yaho.
Urusaku rw’intwaro ziremereye n’izoroheje rwashoboraga kumvikana mu karere k’imirwano, bituma imidugudu ihakikije ihagarika imitima. Nyuma y’iyi mirwano, ubwoba bwatashye abaturage ba Kalembe na Kalonge.
Amakuru aturuka muri ako gace avuga ko muri Bitongi hagaragaye urujya n’uruza rwinshi rw’abaturage. Abaturage bahunze imirwano berekeje i Kalembe, mu gihe abandi bagiye mu gihuru.
