Minisitiri w’intebe Anastase Murekezi mu umuhango wo kwimika Musenyeri Anaclet yagarutse ku ba nyamadini bahanura ibinyoma ndetse bakagenda bakwiza impuha abasaba kwihana.
Minisitiri w’intebe yasabye Abayobora Amadini n’Amatorero gushishikariza abayoboke babo bakirangwa n’ibitekerezo bibi byo gusenya no guhemuka hamwe no kurenganyako bakwiye gutana n’ibyo bitekerezo, bakayoboka inzira y’Imana, ari nayo nzira y’imiyoborere myiza, irangwa n’ibikorwa by’amajyambere, ubupfura, umurava ku kazi, ubwizerane n’impuhwe.
Minisitiri w’Intebe yagarutse ku bantຠbihisha mu madini n’Amatorero, bakagandisha abaturage bitwaje ubuhanuzi bw’ibinyoma n’impuha bituma abaturage bakuka umutima ndetse bikaba byabasubiza inyuma mu bikorwa byabo abasaba ko bakwiye kwihana bakabireka.
Aha yatanze urugero mu ijambo ry’Imana riri mu Gitabo cy’Iyimukamisiri mu Mutwe wa 23:1, aho Imana yaburiraga abakwiza impuha n’ababatega amatwi bakabashyigikira igira iti: “ Ntugakwize impuha. Ntuzafashe umugiranabi, uhamya ibinyoma ngo umurebere” .
uku gutunga gutunga agatoki ku Abanyamadini n’Amatorero bisa nkaho Minisitiri w’Intebe yababwiraga ko babigizemo uruhare imibanire myiza mu banyarwanda yaba ari ntamakemwa yongeye kandi kubabwira ko ntawe ukwiye kugirana amakimbirane nundi kuko amakimbirane mu miryango agira ingaruka mbi, zirimo nko gutuma abana bata amashuri bakazerera mu mihanda, cyangwa bakajya gukoreshwa imirimo itajyanye n’imyaka yabo.
yakomeje avuga ko Ubuvandimwe bukwiye gutozwa kimwe na Gahunda nziza ya Ndi Umunyarwanda Leta y’u Rwanda yiyemeje kugira umuco, kugira ngo ifashe komora ibikomere Abanyarwanda basigiwe n’amateka y’imiyoborere mibi yaje gusozwa na Jenoside yakorewe Abatutsi abarenga miliyoni imwe bakicwa.
ngo kwigisha iri hame ryo guharanira kuba abavandimwe bifite agaciro gakomeye ku Igihugu no ku kwemera ngo kuko ari naryo hame rikomeye Abanyarwanda bakwiye kubakiraho bagakura amasomo akomeye mu mateka yabo bakubaka ubumwe, bakaba abantu bIzihiye Imana, ndetse bagakunda Igihugu Imana yabaye n’abagituye bose.
Mu minsi yashize hagiye humvikana bamwe mu banyamadini bagiye babuza abayoboke babo gukora abandi bakabuzwa gufata ibyangombwa bibaranga nk’amarangamuntu ngo n’ibyantikirisitu aho bamwe mu biyita abahanuzi bakavuga bavugaga ibyago ku igihugu.ibi bikaba byaragiye byiyamwa na bamwe mu bayobozi b’amadini ariko n’Umukuru w’igihugu yabigarutseho mu mwiherero w’Abayobozi b’Uturere uherutse i Gabiro aho yavuze ko ntawe ukwiye kwitwaza imyemerere y’idini cyangwa itorero rye abuza Abanyarwanda uburenganzira bagenerwa n’Igihugu cyabo.
Impamvu yibi byose Minisitiri w’Intebe avuga ko ishamikiye kuri bimwe mu bibazo biri mu muryango nyarwanda utacyubakiye ku indangagaciro na za kirazira z’umuco,Minisitiri w’intebe akaba asaba Abanyarwanda n’inzego za Leta ,Abanyamadini n’amatorero ndetse n’abikorera gufatanya bagasubiza umuryango nyarwanda agaciro kuko ariwo pfundo ry’iterambere n’ubupfura bwabo.
Kanda hano ujye ubona amakuru yihuse kandi kugihe kuri Facebook no kuri twitter
Mecky Kayiranga@bwiza.com
