Igisirikare cya Repubulika ya Demokarasi ya Congo n'imitwe y'inyeshyamba bafatanya izwi nka wazalendo, kuri uyu wa Gatatu, itariki 18 Ugushyingo 2026, cyabyutse kigaba ibitero ku gace gatuwe cyane i Minembwe.
Ibi byemejwe na Fidele Rugabo, Umuvugizi w'umutwe wa Twirwaneho, umwe mu mitwe igize ihuriro "Front Pour la Refondation de la Nation" abinyujije kuri X.
Yagize ati: "Front pour la Refondation de la Nation" (FRN) iramenyesha abaturage ko muri aka kanya, abanzi ari bo FARDC n’abafatanyabikorwa bayo, bagabye igitero ku baturage bo muri Minembwe, ahitwa i Rugezi."
Yakomeje agira ati: "Ingabo zacu ubu zirimo gukora ibikorwa byo kurinda abaturage no guhangana n’abo bagizi ba nabi babagabyeho igitero".
Yongeyeho ko amakuru arambuye kuri iki gitero atangazwa mu kanya kari imbere.

