Ku mugoroba wo kuri iki Cyumweru, Minisitiri w’Intebe wa Ethiopia, Abiy Ahmed, yasangiye ifunguro n’abaganga bagera ku 128 baturutse mu Rwanda bakurikirana amahugurwa yihariye muri Ethiopia, hamwe na bagenzi babo barenga 400 baturutse muri Afurika.
Ibiro bya minisitiri w’intebe, bibinyujije kuri X byatangaje ko aba bari mu muryango ugenda waguka w’abaganga bo muri Afurika bitangiye kongera ubunararibonye n’ubuhanga mu by’ubuvuzi umugabane uzakenera ejo hazaza, mu nzego ziri gufasha gutyaza ibisekuruza bizaza mu bijyanye n’ubuvuzi bwa Afurika.
Ibiro bya Abiy Ahmed byongeyeho ko binyuze mu myigire hamwe n’intego, hakomeje kubaka Afurika ifite ubuzima bwiza bafatanyije.
