Perezida wa Misiri Abdel Fattah al-Sisi yongeye gutorerwa kuyobora muri manda ye ya kabiri ku majwi agera kuri 92%.
Nkuko bitangazwa n’ibinyamakuru binyurane byo mu Misiri, bitangaza ko mu ibarura ry’amajwi ry’ibanze , rigaragaza ko abatoye ari abaturage milliyoni 23 mu gihe hari hiyandikishije milliyoni 60. Abagera kuri milliyoni 2 batoye amazina atari mu bakandida bahatana.
Aya matora yatangiye ku wa 26 kugeza 28 Werurwe 2018, yari arimo abakandida babiri aribo Abdel Fattah al-Sisi na Moussa Mostafa Moussa. Gusa uyu Mousa nyuma gato yatangaje ko ashyigikiye Sisi. Abakandida bari bitezweho guhangana na Sisi bakaba barafunzwe abandi bakurwa ku rutonde.
Abdel Fattah al-Sisi yagiye ku butegetsi 2014 nyuma yo guhirika Mohamed Morsi.Abaturage banze kwitabira amatora bazacibwa amande y’amadorari 25$ nkuko byatangajwe na komisiyo y’igihugu y’amatora mu Misiri.
Amajwi y’ibyavuye mu matora bya burundu bizatangazwa ku wa mbere tariki ya 02 Mata 2018.
Kanda kuri SUBSCRIBE ujye ubona ibiganiro n’indirimbo bishya
Nkurunziza Viateur Bwiza .com
