Visi Perezida akaba n’Umuvugizi w’ishyaka rya MRDC-Ubumwe rirwanya ubutegetsi bw’u Rwanda, Faustin Twagiramungu kuri uyu wa 20 Ukuboza 2020 yihakanye itangazo ryavugaga ko umutwe urishamikiyeho wa FLN uri kugaba ibitero mu Karere ka Nyaruguru mu majyepfo y’u Rwanda.
Iri tangazo MRCD ivuga ko ryitiriwe FLN ryasohotse tariki ya 18 Ukuboza 2020. Ryagiraga riti: “Ubuyobozi bwa FLN buratangariza abanyarwanda n’abanyamahanga ko imirwano ikomeje kubera mu ntara y’amajyepfo mu karere ka Nyaruguru mu murenge wa Nyabimata mu kagari ka Samiyongo kuva ku italiki ya 16 ukuboza 2020…”
Ryagaragazaga ko impamvu y’ibi bitero, ari ugushyira ku gitutu Leta y’u Rwanda kugira ngo ifungure Visi Perezida w’iri shyaka akaba na Perezida wa PDR-Ihumure, Paul Rusesabagina uri mu maboko y’ubutabera kuva mu mpera za Kanama.
Muri iri tangazo ryihakana iri ryasohotse tariki ya 18 Ukuboza 2020, MRCD yavuze ko “bigaragara ko ari itangazo rihimbano rigamije guhimbira ibyaha Rusesabagina”.
MRCD yihakanye iri tangazo nyuma y’umunsi umwe na Gen. Maj. Jeva Antoine uvugira FLN asohoye irindi tangazo “ribeshyuza iryasohotse tariki ya 18 Ukuboza”, aho yagize ati: “FLN ntiyigeze yandika itangazo ku italiki ya 18/12/20.”
2 Responses
MRCD yihakanye itangazo rivuga ko FLN ikomeje kugaba ibitero muri Nyaruguru
Bacitsemo igikuba abo kwa rukokoma? Babonyeko ukuboko kubutabera bwurwanda bugera kure none baratinya kuzasobanura byinshi nka rusesa…
MRCD yihakanye itangazo rivuga ko FLN ikomeje kugaba ibitero muri Nyaruguru
Bacitsemo igikuba abo kwa rukokoma? Babonyeko ukuboko kubutabera bwurwanda bugera kure none baratinya kuzasobanura byinshi nka rusesa…